ਨਵੀਂ ਦਿੱਲੀ-Apple iPhone 15 ਇੱਕ ਵਾਰ ਫਿਰ ਟਾਪ ਦੇ 10 ਸਭ ਤੋਂ ਵੱਧ ਵਿਕਣ ਵਾਲੇ ਸਮਾਰਟਫ਼ੋਨਜ਼ ਦੀ ਲਿਸਟ ਵਿੱਚ ਸਿਖਰ ‘ਤੇ ਹੈ। ਕਾਊਂਟਰਪੁਆਇੰਟ ਰਿਸਰਚ ਨੇ 2024 ਦੀ ਤੀਜੀ ਤਿਮਾਹੀ ਲਈ ਆਪਣਾ ਡਾਟਾ ਜਾਰੀ ਕੀਤਾ ਹੈ। ਇਸ ਦੇ ਮੁਤਾਬਕ 2024 ਦੀ ਤੀਜੀ ਤਿਮਾਹੀ ‘ਚ iPhone 15 ਸਭ ਤੋਂ ਜ਼ਿਆਦਾ ਵਿਕਣ ਵਾਲਾ ਸਮਾਰਟਫੋਨ ਸੀ। ਇਸ ਤੋਂ ਬਾਅਦ iPhone 15 Pro ਤੇ iPhone 15 Pro Max ਦੂਜੇ ਤੇ ਤੀਜੇ ਸਥਾਨ ‘ਤੇ ਹਨ। ਇੱਕ ਹੋਰ ਆਈਫੋਨ ਜਿਸ ਨੇ ਇਸ ਲਿਸਟ ਵਿੱਚ ਜਗ੍ਹਾ ਬਣਾਈ ਹੈ ਉਹ ਹੈ iPhone 14 ਜੋ 2022 ਵਿੱਚ ਲਾਂਚ ਕੀਤਾ ਗਿਆ ਸੀ। Apple iPhone 14 ਨੂੰ ਲਿਸਟ ਵਿੱਚ 9ਵਾਂ ਨੰਬਰ ਮਿਲਿਆ ਹੈ।
10 ਬੈਸਟ ਸੈਲਿੰਗ ‘ਚੋਂ 5 ਫ਼ੋਨ ਸੈਮਸੰਗ ਦੇ ਹਨ-ਸੈਮਸੰਗ ਨੇ ਪੰਜ ਮਾਡਲਾਂ ਦੇ ਨਾਲ ਗਲੋਬਲ ਟਾਪ-10 ਸਮਾਰਟਫੋਨ ਲਿਸਟ ਵਿੱਚ ਦਬਦਬਾ ਬਣਾਇਆ ਹੈ, ਜੋ ਕਿ ਮਾਰਕੀਟ ਵਿੱਚ ਕੰਪਨੀ ਦੀ ਮਜ਼ਬੂਤ ਪਕੜ ਨੂੰ ਦਰਸਾਉਂਦਾ ਹੈ। ਲਿਸਟ ਵਿੱਚ ਸ਼ਾਮਲ 5 ਸੈਮਸੰਗ ਫੋਨਾਂ ਵਿੱਚੋਂ, 4 Galaxy A series ਦੇ ਹਨ। ਇਹਨਾਂ ਵਿੱਚ Samsung Galaxy A15 4G, Samsung Galaxy A15 5G, Samsung Galaxy A05 ਅਤੇ Samsung Galaxy A35 ਸ਼ਾਮਲ ਹਨ।Samsung Galaxy S24 2018 ਤੋਂ ਬਾਅਦ ਦਾ ਪਹਿਲਾ Galaxy S ਮਾਡਲ ਹੈ ਜੋ ਤੀਜੀ ਤਿਮਾਹੀ ਲਈ ਗਲੋਬਲ ਰੈਂਕਿੰਗ ਵਿੱਚ 10ਵੇਂ ਸਥਾਨ ‘ਤੇ ਹੈ।
ਇਹ ਹਨ ਟਾਪ ਦੇ 10 ਸਭ ਤੋਂ ਵੱਧ ਵਿਕਣ ਵਾਲੇ ਫੋਨ-Apple iPhone 15,Apple iPhone 15 Pro Max,Apple iPhone 15 Pro,Samsung Galaxy A15 4G,Samsung Galaxy A15 5G,Samsung Galaxy A05,Redmi 13C 4G,Samsung Galaxy A35,iPhone 14 ,Samsung Galaxy S24,Apple ਅਤੇ Samsung ਤੋਂ ਇਲਾਵਾ, Xiaomi ਦੇ Redmi 13C ਨੇ ਚੋਟੀ ਦੇ 10 ਸਭ ਤੋਂ ਵੱਧ ਵਿਕਣ ਵਾਲੇ ਫੋਨਾਂ ਦੀ ਲਿਸਟ ਵਿੱਚ ਜਗ੍ਹਾ ਬਣਾ ਲਈ ਹੈ। ਫੋਨ ਨੂੰ ਦਸੰਬਰ 2023 ਵਿੱਚ 10,000 ਰੁਪਏ ਤੋਂ ਘੱਟ ਕੀਮਤ ਦੀ ਸ਼੍ਰੇਣੀ ਵਿੱਚ ਲਾਂਚ ਕੀਤਾ ਗਿਆ ਸੀ। ਟਾਪ 5 ਫੋਨਜ਼ ਦੀਆਂ ਕੀਮਤਾਂ ਦੀ ਗੱਲ ਕਰੀਏ ਤਾਂ ਭਾਰਤ ਵਿੱਚ Apple iPhone 15 ਦੀ ਸ਼ੁਰੂਆਤੀ ਕੀਮਤ 64,900 ਰੁਪਏ, Apple iPhone 15 Pro Max ਦੀ ਸ਼ੁਰੂਆਤੀ ਕੀਮਤ 1,28,900 ਰੁਪਏ, Apple iPhone 15 Pro ਦੀ ਸ਼ੁਰੂਆਤੀ ਕੀਮਤ 1,03,999 ਰੁਪਏ ਹੈ। Samsung Galaxy A15 4G ਦੀ ਸ਼ੁਰੂਆਤੀ ਕੀਮਤ 12,990 ਰੁਪਏ ਹੈ, Samsung Galaxy A15 5G ਦੀ ਸ਼ੁਰੂਆਤੀ ਕੀਮਤ 15,499 ਰੁਪਏ ਹੈ।