ਕੋਰੋਨਾ ਇਨਫੈਕਸ਼ਨ ਨਾਲ ਲੜਾਈ ਵਿਚ ਕਈ ਨੁਸਖੇ ਕਾਰਗਰ ਦੱਸੇ ਜਾਂਦੇ ਹਨ ਤੇ ਯੋਗ ਦਾ ਵੀ ਮਹੱਤਵ ਹੈ ਪਰ ਹੁਣ ਨਿੰਮ ਦੀ ਗੋਲ਼ੀ ਵੀ ਇਸ ਜਾਨਲੇਵਾ ਵਾਇਰਸ ’ਤੇ ਲਗਾਮ ਕੱਸ ਸਕਦੀ ਹੈ। ਈਐੱਸਆਈਸੀ ਮੈਡੀਕਲ ਕਾਲਜ ਤੇ ਹਸਪਤਾਲ ਵਿਚ ਕੋਰੋਨਾ ’ਤੇ ਨਿੰਮ ਦਾ ਅਸਰ ਜਾਣਨ ਲਈ ਹੋਇਆ ਕਲੀਨਿਕਲ ਟਰਾਇਲ ਸਫਲ ਰਿਹਾ ਹੈ। ਕਲੀਨਿਕਲ ਟਰਾਇਲ ਦੀ ਰਿਪੋਰਟ ਜਾਰੀ ਕੀਤੀ ਗਈ ਹੈ ਜਿਸ ਅਨੁਸਾਰ ਨਿੰਮ ਦੀ ਗੋਲ਼ੀ ਕੋਰੋਨਾ ਇਨਫੈਕਸ਼ਨ ਦੀ ਰੋਕਥਾਮ ਵਿਚ ਕਾਰਗਰ ਸਾਬਤ ਹੋ ਸਕਦੀ ਹੈ। ਇਹ ਟਰਾਇਲ ਈਐੱਸਆਈਸੀ ਮੈਡੀਕਲ ਕਾਲਜ ਤੇ ਹਸਤਾਲ ਨਾਲ ਮਿਲ ਕੇ ਆਲ ਇੰਡੀਆ ਇੰਸਟੀਚਿਊਟ ਆਫ ਆਯੁਰਵੇਦ ਤੇ ਨਿਸਰਗਾ ਬਾਇਓਟੈੱਕ ਪ੍ਰਾਈਵੇਟ ਲਿਮ. ਨੇ ਬੀਤੇ ਸਾਲ ਅਗਸਤ ਮਹੀਨੇ ਸ਼ੁਰੂ ਕੀਤਾ ਸੀ। ਉਦੋਂ ਤੋਂ ਇਸ ’ਤੇ ਰਿਸਰਚ ਜਾਰੀ ਸੀ।
ਰਿਸਰਚ ਵਿਚ ਪਾਇਆ ਗਿਆ ਹੈ ਕਿ ਨਿੰਮ ਦੀ ਗੋਲ਼ੀ ਪੂਰੀ ਤਰ੍ਹਾਂ ਸੁਰੱਖਿਅਤ ਹੈ ਅਤੇ ਇਸ ਨਾਲ ਜਾਨ ਨੂੰ ਕੋਈ ਖ਼ਤਰਾ ਨਹੀਂ ਹੈ। ਇਹ ਗੋਲ਼ੀ ਕੋਰੋਨਾ ਇਨਫੈਕਸ਼ਨ ਦੇ ਖ਼ਤਰੇ ਨੂੰ 55 ਫ਼ੀਸਦੀ ਤਕ ਘੱਟ ਕਰਨ ਵਿਚ ਪ੍ਰਭਾਵਸ਼ਾਲੀ ਹੈ। ਇਸ ਤੋਂ ਇਲਾਵਾ ਜੇ ਸਿਹਤਮੰਦ ਵਿਅਕਤੀ ਲਗਾਤਾਰ 28 ਦਿਨ ਤਕ ਨਿੰਮ ਦੀਆਂ ਗੋਲ਼ੀਆਂ ਦਾ ਸੇਵਨ ਸਵੇਰੇ ਸ਼ਾਮ ਦੋ ਵਾਰ ਕਰਦਾ ਹੈ ਤਾਂ ਉਹ ਇਮਿਊਨਿਟੀ ਵਿਕਸਤ ਕਰ ਸਕਦਾ ਹੈ। ਕਿਹਾ ਜਾ ਰਿਹਾ ਹੈ ਕਿ ਇਹ ਵੈਕਸੀਨ ਜਿੰਨੀ ਹੀ ਕਾਰਗਰ ਹੈ।
ਨਿਯਮਤ ਨਿੰਮ ਦੀਆਂ ਗੋਲ਼ੀਆਂ ਦੀ ਵਰਤੋਂ ਕਰਨ ’ਤੇ ਜੇ ਕਿਸੇ ਵਿਅਕਤੀ ਨੂੰ ਇਨਫੈਕਸ਼ਨ ਹੁੰਦੀ ਵੀ ਹੈ ਤਾਂ ਇਹ ਮਾਮੂਲੀ ਵਾਇਰਲ ਇਨਫੈਕਸ਼ਨ ਜਿੰਨਾ ਹੀ ਅਸਰ ਕਰੇਗੀ। ਅਜਿਹੇ ਵਿਚ ਕੋਰੋਨਾ ਤੋਂ ਜਾਨ ਦਾ ਖ਼ਤਰਾ ਕਈ ਗੁਣਾ ਘੱਟ ਹੋਵੇਗਾ। ਈਐੱਸਆਈਸੀ ਮੈਡੀਕਲ ਕਾਲਜ ਤੇ ਹਸਪਤਾਲ ਦੇ ਰਜਿਸਟ੍ਰਾਰ ਡਾ. ਏਕੇ ਪਾਂਡੇ ਦਾ ਦਾਅਵਾ ਹੈ ਕਿ ਇਸ ਉਪਾਅ ਨੂੰ ਅਪਣ ਕੇ ਲੱਖਾਂ ਜ਼ਿੰਦਗੀਆਂ ਬਚਾਈਆਂ ਜਾ ਸਕਦੀਆਂ ਹਨ।
190 ਲੋਕਾਂ ਨੂੰ ਸ਼ਾਮਲ ਕੀਤਾ ਗਿਆ ਸੀ
ਰਿਸਰਚ ਵਿਚ 190 ਅਜਿਹੇ ਲੋਕਾਂ ਨੂੰ ਸ਼ਾਮਲ ਕੀਤਾ ਗਿਆ ਜੋ ਸਿਹਤ ਮੁਲਾਜ਼ਮ ਸਨ ਜਾਂ ਉਨ੍ਹਾਂ ਨਾਲ ਜੁਡ਼ੇ ਲੋਕ ਸਨ। ਇਸ ਵਿਚ 18 ਤੋਂ 60 ਸਾਲ ਦੀ ਉਮਰ ਦੇ ਲੋਕਾਂ ਨੂੰ ਸ਼ਾਮਲ ਕੀਤਾ ਗਿਆ। ਇਸ ਵਿਚ ਕੁਝ ਲੋਕਾਂ ਨੂੰ ਸਵੇਰੇ ਸ਼ਾਮ 28 ਦਿਨ ਤਕ 50 ਐੱਮਜੀ ਦੀ ਨਿੰਮ ਦੀ ਗੋਲ਼ੀ ਦਿੱਤੀ ਗਈ। ਕੁਝ ਨੂੰ ਪ੍ਰਯੋਗ ਦਵਾਈ (ਪਲੇਸਿਬੋ) ਦਿੱਤੀ ਗਈ। ਦੇਸ਼ ਵਿਚ ਆਪਣੀ ਤਰ੍ਹਾਂ ਦੀ ਇਹ ਪਹਿਲੀ ਰਿਸਰਚ ਹੈ ਜਿਸ ਨੂੰ ਅੰਤਰਰਾਸ਼ਟਰੀ ਮੈਡੀਕਲ ਜਰਨਲ ਵਿਚ ਅਲਟਰਨੇਟਿਵ ਥੈਰੇਪੀ ਇਨ ਹੈੱਲਥ ਐਂਡ ਮੈਡੀਸਨ ਵਿਚ ਥਾਂ ਮਿਲੀ ਹੈ।
ਐਂਟੀਬਾਡੀ ਬਣਾਉਣ ਵਿਚ ਕਰੇਗੀ ਸਹਿਯੋਗ
ਡਾ. ਏਕੇ ਪਾਂਡੇ ਅਨੁਸਾਰ ਕੋਰੋਨਾ ਤੋਂ ਬਚਾਅ ਦਾ ਟੀਕਾ ਮਹੱਤਵਪੂਰਨ ਹੈ ਅਤੇ ਸਾਰਿਆਂ ਨੂੰ ਲੁਆਉਣਾ ਚਾਹੀਦਾ ਹੈ। ਟੀਕੇ ਦੀ ਦੂਜੀ ਖ਼ੁਰਾਕ ਲੱਗਣ ਤੋਂ 14 ਦਿਨ ਬਾਅਦ ਐਂਟੀਬਾਡੀ ਬਣਦੀ ਹੈ। ਐਂਟੀਬਾਡੀ ਬਣਨ ਤਕ ਨਿਯਮਤ ਰੂਪ ਨਾਲ ਨਿੰਮ ਦੀ ਗੋਲ਼ੀ ਖਾਧੀ ਜਾ ਸਕਦੀ ਹੈ। ਜੇ ਕੋਈ ਇਨਫੈਕਟਿਡ ਵੀ ਹੋ ਜਾਂਦਾ ਹੈ ਤਾਂ ਇਨਫੈਕਸ਼ਨ ਦੇ ਪ੍ਰਭਾਵ ਗੰਭੀਰ ਨਹੀਂ ਹੋਵੇਗਾ।