70 ਸਾਲ ‘ਚ ਪਹਿਲੀ ਵਾਰ ਭਾਰਤ ਨੇ ਚੀਨ ਨੂੰ ਲੈ ਕੇ ਰੁਖ਼ ਬਦਲਿਆ ਹੈ। ਹੁਣ ਤਕ ਚੀਨ ਦੇ ਹਮਲਾਵਾਰ ਰੁਖ਼ ਖਿਲਾਫ ਆਪਣੀ ਬਚਾਅ ਵਾਲੀ ਮੁਦਰਾ ਨੂੰ ਹੀ ਢਾਲ ਬਣਾ ਕੇ ਚਲਣ ਵਾਲਾ ਭਾਰਤ ਹੁਣ ਉਸ ਨਾਲ ਨਜ਼ਰਾਂ ਮਿਲਾ ਕੇ ਖੜ੍ਹਾ ਹੈ। ਇਹ ਬਦਲਿਆਂ ਹੋਇਆ ਨਵਾਂ ਭਾਰਤ ਕਿਸੇ ਵੀ ਸਥਿਤੀ ‘ਚ ਪਲਟਵਾਰ ਲਈ ਫੌਜੀ ਬਦਲਾਂ ‘ਤੇ ਵਿਚਾਰ ਕਰ ਰਿਹਾ ਹੈ। ਹਾਲ ‘ਚ ਚੀਨ ਨਾਲ ਲੱਗੀ ਸਰਹੱਦ ‘ਤੇ 50,000 ਤੋਂ ਜ਼ਿਆਦਾ ਸੈਨਿਕਾਂ ਦੀ ਤਾਇਨਾਤੀ ਕੀਤੀ ਗਈ ਹੈ।
ਇਕ ਰਿਪੋਰਟ ਮੁਤਾਬਕ ਕੁੱਲ ਤਾਇਨਾਤ ਫੌਜੀਆਂ ਦੀ ਗਿਣਤੀ ਦੋ ਲੱਖ ਹੋ ਗਈ ਹੈ ਜੋ ਪਿਛਲੇ ਸਾਲ ਦੇ ਮੁਕਾਬਲੇ 40 ਫੀਸਦੀ ਜ਼ਿਆਦਾ ਹੈ। ਹਾਲ ‘ਚ ਤਿੱਬਤ ‘ਚ ਚੀਨ ਵੱਲੋਂ ਆਪਣੇ ਮੌਜੂਦਾ ਏਅਰ ਫੀਲਡ ਨੂੰ ਮਜ਼ਬੂਤ ਕਰਨ ਦੀਆਂ ਕੋਸ਼ਿਸ਼ਾਂ ਨੂੰ ਦੇਖਦੇ ਹੋਏ ਭਾਰਤ ਦੀ ਤਿਆਰੀ ਹੋਰ ਵੀ ਮੁਆਇਨੇ ਰੱਖਦੀ ਹੈ।
ਹਰ ਮੋਰਚਾ ‘ਤੇ ਰਹਿਣਗੇ ਜਵਾਨ
ਨਵੀਂ ਤਾਇਨਾਤੀ ਨਾਲ ਪਾਕਿਸਤਾਨ ਦੀ ਸਰਹੱਦ ‘ਤੇ ਤਾਇਨਾਤ ਰਹਿਣ ਵਾਲੇ ਜਵਾਨਾਂ ਦੀ ਤਾਦਾਦ ਘੱਟ ਹੋ ਗਈ ਪਰ ਅਜਿਹੇ ਜਵਾਨਾਂ ਦੀ ਤਾਦਾਦ ਵਧੇਗੀ, ਜੋ ਜ਼ਰੂਰਤ ਦੇ ਮੁਤਾਬਕ, ਉਤਰ ਤੋਂ ਪੱਛਮੀ ਤਕ ਦੀ ਸਰਹੱਦ ‘ਤੇ ਪਹੁੰਚ ਸਕਣਗੇ।
ਮਾਊਂਟੇਨ ਸਟ੍ਰਾਈਕ ਕਾਪਰਜ਼ ਨੂੰ ਮਿਲੇਗੀ ਮਜ਼ਬੂਤੀ
ਪਹਾੜਾਂ ‘ਤੇ ਹਮਲੇ ‘ਚ ਮਾਊਂਟੇਨ ਸਟ੍ਰਾਈਕ ਕਾਪਰਸ ਨੂੰ ਲਗਪਗ ਇਕ ਦਹਾਕੇ ਪਹਿਲਾਂ ਸਰਕਾਰ ਵੱਲੋਂ ਮਨਜ਼ੂਰੀ ਮਿਲ ਗਈ ਸੀ ਪਰ ਹੁਣ ਤਕ ਇਸ ‘ਚ ਸਿਰਫ਼ ਇਕ ਹੀ ਡਵੀਜ਼ਨ ਸੀ। ਹੁਣ ਸਰਕਾਰ ਇਸ ਨੂੰ ਮਜ਼ਬੂਤੀ ਦੇਣ ਲਈ ਹਰਸੰਭਵ ਕਦਮ ਉਠਾ ਰਹੀ ਹੈ।