ਚੀਨ ਦੇ ਮੁੱਖ ਮਹਾਮਾਰੀ ਵਿਗਿਆਨੀ (chief epidemiologist) ਤੇ ਸੈਂਟਰ ਫਾਰ ਡਿਜੀਜ਼ ਕੰਟਰੋਲ ਐਂਡ ਪਿ੍ਰਵੈਂਸ਼ਨ (Center for Disease Control and Prevention) ਦੇ ਮੁਖੀ ਜੈਂਗ ਗੁਆਂਗ (chief jeng guang) ਨੇ ਕਿਹਾ ਹੈ ਕਿ ਚੀਨ ’ਚ ਕੋਰੋਨਾ ਵਾਇਰਸ ਦਾ ਪਹਿਲਾਂ ਮਾਮਲਾ ਸਾਹਮਣੇ ਆਉਣ ਨਾਲ ਕਰੀਬ ਇਕ ਹਫ਼ਤਾ ਪਹਿਲਾਂ ਹੀ ਦਸੰਬਰ ਦੀ ਸ਼ੁਰੂਆਤ ’ਚ ਇਸ ਦੇ ਕਰੀਬ ਪੰਜ ਮਾਮਲੇ ਅਮਰੀਕਾ ਦੇ ਸੱਤ ਵੱਖ-ਵੱਖ ਸੂਬਿਆਂ ’ਚ ਸਾਹਮਣੇ ਆ ਚੁੱਕੇ ਸਨ। ਉਨ੍ਹਾਂ ਮੁਤਾਬਕ ਦਸੰਬਰ 2019 ਤੋਂ ਪਹਿਲਾਂ ਹੀ ਇਹ ਵਾਇਰਸ ਅਮਰੀਕਾ ’ਚ ਦੂਜੀ ਜਗ੍ਹਾਂ ’ਤੇ ਫੈਲ ਚੁੱਕਾ ਸੀ।
ਜੈਂਗ ਨੇ US National Institute of Health ’ਚ ਪਬਲਿਸ਼ ਹੋਈ ਇਕ ਰਿਸਰਚ ਰਿਪੋਰਟ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਹੈ ਕਿ ਹੁਣ ਅਗਲੇ ਪੜਾਅ ’ਚ ਕੋਰੋਨਾ ਦੀ ਉਤਪਤੀ ਦੀ ਜਾਂਚ ਨੂੰ ਲੈ ਕੇ ਪਹਿਲ ਨੰਬਰ ’ਤੇ ਅਮਰੀਕਾ ਹੋਣਾ ਚਾਹੀਦੈ। ਚੀਨ ਸਰਕਾਰ ਦੇ ਮੁੱਖ ਪੱਤਰ ਗਲੋਬਲ ਟਾਈਮਜ਼ ’ਚ ਛਾਪੀ ਖ਼ਬਰ ਮੁਤਾਬਕ ਹੁਣ ਇਸ ਵਾਇਰਸ ਦੀ ਉਤਪਤੀ ਨੂੰ ਲੈ ਕੇ ਪੂਰਾ ਧਿਆਨ ਅਮਰੀਕਾ ਦੀ ਵੱਲ ਹੋਣਾ ਚਾਹੀਦਾ ਹੈ।
ਗਲੋਬਲ ਟਾਈਮਜ਼ ਨੇ ਆਪਣੀ ਖ਼ਬਰ ’ਚ ਲਿਖਿਆ ਹੈ ਕਿ ਅਮਰੀਕਾ ਨੇ ਸ਼ੁਰੂਆਤ ’ਚ ਇਸ ਨੂੰ ਨਜ਼ਰਅੰਦਾਜ਼ ਕਰਦੇ ਹੋਏ ਇਸ ਦੀ ਟੈਸਟਿੰਗ ਦੀ ਰਫਤਾਰ ਨੂੰ ਕਾਫੀ ਘੱਟ ਰੱਖਿਆ ਸੀ। ਇਸ ’ਚ ਇਹ ਵੀ ਕਿਹਾ ਗਿਆ ਹੈ ਕਿ ਅਮਰੀਕਾ ਜੈਵਿਕ ਪ੍ਰਯੋਗਸ਼ਾਲਾਵਾਂ ਦਾ ਗੜ੍ਹ ਹੈ। ਗਲੋਬਲ ਟਾਈਮਜ਼ ਨੇ ਜੈਂਗ ਦੇ ਹਵਾਲੇ ਤੋਂ ਕਿਹਾ ਹੈ ਕਿ ਅਮਰੀਕਾ ’ਚ ਬਾਇਓ-ਹਥਿਆਰਾਂ (bio-weapons) ਨਾਲ ਸਬੰਧਿਤ ਸਾਰੇ ਮਾਮਲੇ ਜਾਂਚ ਦੇ ਦਾਇਰੇ ’ਚ ਆਉਣੇ ਚਾਹੀਦੇ ਹਨ।
