‘ਪਾਕਿ ਨਾਲ ਹੋਈ ਜੰਗ ਤਾਂ ਕੀ ਸੂਬੇ ਆਪਣੇ-ਆਪਣੇ ਟੈਂਕ ਖਰੀਦ ਕੇ ਲੜਨਗੇ’, ਵੈਕਸੀਨ ਨੂੰ ਲੈ ਕੇ ਕੇਜਰੀਵਾਲ ਦਾ ਕੇਂਦਰ ‘ਤੇ ਤੰਣਜ਼

ਦਿੱਲੀ ਦੇ ਸੀਐੱਮ ਅਰਵਿੰਦ ਕੇਜਰੀਵਾਲ ਬੁੱਧਵਾਰ ਦੀ ਸ਼ਾਮ ਨੂੰ ਇਕ ਡਿਜੀਟਲ ਪ੍ਰੈੱਸ ਕਾਨਫਰੰਸ ਕਰਨਗੇ। ਇਸ ਦੀ ਜਾਣਕਾਰੀ ਆਮ ਆਦਮੀ ਪਾਰਟੀ ਦੇ ਟਵਿੱਟਰ ਹੈਂਡਲ ਤੋਂ ਫਲੈਸ਼ ਕੀਤੀ ਗਈ ਹੈ। ਕੋਰੋਨਾ ਵਿਚਕਾਰ ਅਜਿਹੀ ਸੰਭਾਵਨਾ ਹੈ ਕਿ ਕੋਰੋਨਾ ਨੂੰ ਲੈ ਕੇ ਕੋਈ ਵੱਡਾ ਐਲਾਨ ਕਰ ਸਕਦੇ ਹਨ। ਦੱਸ ਦੇਈਏ ਕਿ ਦਿੱਲੀ ‘ਚ ਕੋਰੋਨਾ ਦੇ ਮਾਮਲੇ ਹੁਣ ਪਹਿਲਾਂ ਦੇ ਮੁਕਾਬਲੇ ਕਾਫੀ ਘੱਟ ਹੋਏ ਹਨ, ਹਾਲਾਂਕਿ ਸਰਕਾਰ ਅਜੇ ਵੀ ਪੂਰੀ ਤਰ੍ਹਾਂ ਅਲਰਟ ਹੈ ਜਿਸ ਕਾਰਨ ਲਾਕਡਾਊਨ ਤੇ ਹੋਰ ਬੰਦਿਸ਼ਾਂ ਲਾ ਕੇ ਇਨਫੈਕਸ਼ਨ ਦਰ ਨੂੰ ਘੱਟ ਕਰਨ ਦੀ ਕਵਾਯਦ ਜਾਰੀ ਹੈ।

ਭਾਰਤ ਪਾਕਿਸਤਾਨ ‘ਚ ਜੰਗ ਹੋਵੇ ਤਾਂ ਸਾਰੇ ਸੂਬੇ ਆਪਣੇ ਟੈਂਕ ਖਰੀਦ ਕੇ ਲੜਨਗੇ

ਅੱਜ ਜੇ ਪਾਕਿਸਤਾਨ ਭਾਰਤ ‘ਤੇ ਹਮਲਾ ਕਰ ਦੇਵੇ ਤਾਂ ਕੇਂਦਰ ਸਰਕਾਰ ਇਹੀ ਨਹੀਂ ਕਹਿ ਸਕਦੀ ਕਿ ਸਾਰੇ ਸੂਬੇ ਆਪਣੇ-ਆਪਣੇ ਟੈਂਕ ਖਰੀਦ ਲਓ। ਜੇ ਪਾਕਿਸਤਾਨ ਜਿੱਤਦਾ ਤਾਂ ਭਾਜਪਾ ਨਹੀਂ ਦੇਸ਼ ਹਾਰੇਗਾ। ਇਸੇ ਤਰ੍ਹਾਂ ਕੋਰੋਨਾ ਨਾਲ ਜੰਗ ‘ਚ ਵੀ ਭਾਜਪਾ, ਆਮ ਆਦਮੀ ਪਾਰਟੀ ਜਾਂ ਸ਼ਿਵਸੈਨਾ ਨਹੀਂ ਬਲਕਿ ਦੇਸ਼ ਹਾਰੇਗਾ। ਇਹ ਸਮੇਂ ਇਕਜੁੱਟ ਹੋ ਕੇ ਕੰਮ ਕਰਨ ਦਾ ਹੈ। ਜੋ ਕੰਮ ਕੇਂਦਰ ਸਰਕਾਰ ਦਾ ਹੈ, ਉਹ ਉਸ ਨੂੰ ਹੀ ਕਰਨਾ ਪਵੇਗਾ। ਸੂਬਿਆਂ ਨੂੰ ਜੋ ਜ਼ਿੰਮੇਵਾਰੀ ਦਿੱਤੀ ਜਾਵੇਗੀ, ਉਹ ਵੀ ਨਿਭਾਉਣਗੇ। ਮੈਂ ਪ੍ਰਧਾਨ ਮੰਤਰੀ ਤੋਂ ਅਪੀਲ ਕਰਦਾ ਹਾਂ ਕਿ ਕੇਂਦਰ ਸਰਕਾਰ ਸੂਬਿਆਂ ਨੂੰ ਵੈਕਸੀਨ ਮੁਹਈਆ ਕਰਵਾਏ। ਵੈਕਸੀਨ ਲਾਉਣਾ ਫਿਰ ਸੂਬਿਆਂ ਦੀ ਜ਼ਿੰਮੇਵਾਰੀ ਹੈ।

ਸੀਐੱਮ ਨੇ ਆਪਣੇ ਪੀਸੀ ‘ਚ ਕਿਹਾ ਕਿ ਦਿੱਲੀ ‘ਚ ਵੈਕਸੀਨ ਖ਼ਤਮ ਹੋ ਚੁੱਕੀ ਹੈ। ਪਿਛਲੇ ਚਾਰ ਦਿਨਾਂ ਤੋਂ 18 ਸਾਲ ਤੋਂ 44 ਸਾਲ ਵਾਲਿਆਂ ਲਈ ਵੈਕਸੀਨ ਨਹੀਂ ਹੈ। ਸੈਂਟਰ ਬੰਦ ਹੋ ਰਹੇ ਹਨ। ਇਹ ਹਾਲਤ ਸਹੀ ਨਹੀਂ ਹਨ। ਅਜਿਹੇ ‘ਚ ਖ਼ਤਰਾ ਵਧਣ ਦੀ ਸੰਭਾਵਨਾ ਹੈ। ਉਨ੍ਹਾਂ ਅੱਗੇ ਦੱਸਿਆ ਕਿ ਇਹ ਸਿਰਫ਼ ਦਿੱਲੀ ਦੇ ਹਾਲਾਤ ਨਹੀਂ ਹਨ ਪੂਰੇ ਦੇਸ਼ ‘ਚ ਇਹੀ ਹਾਲ ਹਨ। ਜਦੋਂ ਸਾਨੂੰ ਨਵੇਂ ਸੈਂਟਰ ਖੋਲ੍ਹਣੇ ਚਾਹੀਦੇ ਸਨ ਉਦੋਂ ਅਸੀਂ ਪੁਰਾਣਿਆਂ ਨੂੰ ਵੀ ਬੰਦ ਕਰ ਰਹੇ ਹਨ ਕਿਉਂਕਿ ਵੈਕਸੀਨ ਦੀ ਕਮੀ ਹੋ ਰਹੀ ਹੈ। ਇਹ ਸਹੀ ਨਹੀਂ ਹੈ।

ਕੀ ਹਨ ਦਿੱਲੀ ਦੇ ਤਾਜ਼ਾ ਹਾਲ

 

ਦਿੱਲੀ ‘ਚ ਤਾਜ਼ਾ ਹਾਲਾਤ ਦੀ ਗੱਲ ਕਰੀਏ ਤਾਂ ਇੱਥੇ ਕੋਰੋਨਾ ਦੇ ਨਵੇਂ ਇਨਫੈਕਟਿਡ ਮਰੀਜ਼ 150 ਦੇ ਨੇੜੇ-ਤੇੜੇ ਮਿਲੇ। ਇਕ ਸਮੇਂ ਸੀ ਜਦੋਂ ਇਹ ਗਿਣਤੀ ਹਰ ਦਿੱਲੀਵਾਸੀਆਂ ਨੂੰ ਡਰਾ ਰਹੀ ਸੀ। ਬੀਤੇ 24 ਘੰਟੇ ਦੀ ਗੱਲ ਕੀਤੀ ਜਾਵੇ ਤਾਂ 1491 ਮਰੀਜ਼ ਮਿਲੇ ਹਨ। ਉੱਥੇ ਮ੍ਰਿਤਕਾਂ ਦੀ ਗਿਣਤੀ ਅਜੇ ਵੀ ਚਿੰਤਾਜਨਕ ਪੱਧਰ ‘ਤੇ ਹੈ।