ਹਰਿਆਣਾ ਦੇ ਭਿਵਾਨੀ ਵਿਚ ਸੀਐਮ ਫਲਾਇੰਗ ਨੇ ਖੁਰਾਕ ਸੁਰੱਖਿਆ ਵਿਭਾਗ ਨਾਲ ਮਿਲ ਕੇ ਸਸਤੇ ਦਾ ਲਾਲਚ ਦੇ ਕੇ ਲੋਕਾਂ ਦੀ ਸਿਹਤ ਨਾਲ ਖਿਲਵਾੜ ਕਰਨ ਵਾਲਿਆਂ ਦਾ ਪਰਦਾਫਾਸ਼ ਕੀਤਾ ਹੈ। ਟੀਮ ਨੇ ਇੱਥੇ ਦੋ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕਰਕੇ ਵੱਡੀ ਮਾਤਰਾ ਵਿਚ ਮਿਲਾਵਟੀ ਦੇਸੀ ਘਿਓ ਤੋਂ ਲੈ ਕੇ ਪਨੀਰ, ਖੋਆ, ਮਟਰ, ਸੋਇਆ ਚਾਪ ਅਤੇ ਦੁੱਧ ਬਰਾਮਦ ਕੀਤਾ ਹੈ।
ਇੱਥੇ ਨਯਾਂ ਬਾਜ਼ਾਰ ਵਿੱਚ ਇੱਕ ਨਵੀਂ ਪਨੀਰ ਦੀ ਨਵੀਂ ਦੁਕਾਨ ਖੁੱਲ੍ਹੀ ਸੀ। ਦੁਕਾਨ ਖੋਲ੍ਹਣ ਮੌਕੇ ਇੱਥੇ 17 ਤੋਂ 22 ਫਰਵਰੀ ਤੱਕ 6 ਦਿਨਾਂ ਲਈ ਅਜਿਹੀ ਪੇਸ਼ਕਸ਼ ਰੱਖੀ ਗਈ ਸੀ। ਇੱਥੇ ਦੇਸੀ ਘਿਓ, ਪਨੀਰ ਖਾਣ, ਖੋਆ, ਸੋਇਆ ਚਾਪ, ਕਰੀਮ ਆਦਿ ਸਾਰਾ ਸਾਮਾਨ ਅੱਧੇ ਮਾਰਕੀਟ ਰੇਟ ‘ਤੇ ਦਿੱਤਾ ਜਾ ਰਿਹਾ ਸੀ।
ਟੀਮ ਦੇ ਆਉਣ ਤੋਂ ਬਾਅਦ ਇੱਥੇ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ। ਟੀਮ ਨੇ ਸਾਰੀਆਂ ਚੀਜ਼ਾਂ ਦੇ ਸੈਂਪਲ ਲੈ ਕੇ ਦੋ ਵਿਅਕਤੀਆਂ ਨੂੰ ਕਾਬੂ ਕਰਕੇ ਅਗਲੇਰੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੇ ਨਾਲ ਹੀ ਇੱਥੋਂ ਬਰਾਮਦ ਹੋਏ ਕਰੀਬ 370 ਕਿਲੋ ਘਿਓ ਅਤੇ ਪਨੀਰ ਨੂੰ ਨਸ਼ਟ ਕਰ ਦਿੱਤਾ ਗਿਆ।
ਮੌਕੇ ‘ਤੇ ਪਹੁੰਚੇ ਜ਼ਿਲ੍ਹਾ ਖੁਰਾਕ ਸੁਰੱਖਿਆ ਅਫ਼ਸਰ ਦੀਪਕ ਚੌਧਰੀ ਨੇ ਦੱਸਿਆ ਕਿ ਬਹੁਤ ਘੱਟ ਰੇਟ ‘ਤੇ ਘਿਓ ਵੇਚਣ ਦੀ ਸੂਚਨਾ ਦੇ ਆਧਾਰ ‘ਤੇ ਇੱਥੇ ਛਾਪੇਮਾਰੀ ਕੀਤੀ ਗਈ ਹੈ | ਉਨ੍ਹਾਂ ਦੱਸਿਆ ਕਿ ਘਿਓ ਅਤੇ ਪਨੀਰ ਦੇ ਸੈਂਪਲ ਲਏ ਗਏ ਹਨ, ਇੱਥੇ ਮਿਲੇ ਦੋ ਵਿਅਕਤੀ ਯੂਪੀ ਦੇ ਗਾਜ਼ੀਆਬਾਦ ਦੇ ਰਹਿਣ ਵਾਲੇ ਹਨ। ਉਨ੍ਹਾਂ ਕਿਹਾ ਕਿ ਇੱਥੇ ਬਰਾਮਦ ਕੀਤੇ ਗਏ ਘਿਓ ਅਤੇ ਪਨੀਰ ਦੀ ਗੁਣਵੱਤਾ ਨਾ-ਮਾਤਰ ਹੈ।
ਹਰ ਦਿਨ ਵਧਦੀ ਮਹਿੰਗਾਈ ਕਾਰਨ ਹਰ ਕੋਈ ਸਸਤੀ ਚੀਜ਼ ਖਰੀਦਣਾ ਚਾਹੁੰਦਾ ਹੈ, ਤਾਂ ਜੋ ਉਹ ਦੋ ਪੈਸੇ ਬਚਾ ਸਕਣ। ਇਸ ਦਾ ਫਾਇਦਾ ਉਠਾ ਕੇ ਇਹ ਮਿਲਾਵਟਖੋਰ ਲੋਕਾਂ ਦੀ ਸਿਹਤ ਨਾਲ ਖਿਲਵਾੜ ਕਰਦੇ ਹਨ। ਹੁਣ ਦੇਖਣਾ ਹੋਵੇਗਾ ਕਿ ਇਸ ਕਾਰਵਾਈ ਤੋਂ ਬਾਅਦ ਮਿਲਾਵਟਖੋਰੀ ਦਾ ਇਹ ਧੰਦਾ ਖਤਮ ਹੁੰਦਾ ਹੈ ਜਾਂ ਨਹੀਂ।