ਫਿਲਮ ਅਦਾਕਾਰ ਸਲਮਾਨ ਖ਼ਾਨ ਅੱਜ ਆਪਣਾ 55ਵਾਂ ਜਨਮ-ਦਿਨ ਮਨਾ ਰਹੇ ਹਨ। ਇਸ ਮੌਕੇ ’ਤੇ ਸਲਮਾਨ ਖ਼ਾਨ ਨਾਲ ਜੁੜੀ ਰੌਚਕ ਜਾਣਕਾਰੀ ਅਸੀਂ ਤੁਹਾਡੇ ਲਈ ਲੈ ਕੇ ਆਏ ਹਾਂ। ਸਲਮਾਨ ਖ਼ਾਨ ਬਾਲੀਵੁੱਡ ਅਦਾਕਾਰ ਹਨ ਅਤੇ ਉਹ ਕਈ ਫਿਲਮਾਂ ’ਚ ਦਮਦਾਰ ਕਿਰਦਾਰ ਕਰ ਚੁੱਕੇ ਹਨ। ਇਸਤੋਂ ਇਲਾਵਾ ਉਹ ਕਈ ਸਫ਼ਲ ਫਿਲਮਾਂ ਦਾ ਨਿਰਮਾਣ ਵੀ ਕਰ ਚੁੱਕੇ ਹਨ। ਸਲਮਾਨ ਖ਼ਾਨ ਦੇ ਜਨਮ-ਦਿਨ ’ਤੇ ਸਧਾਰਨ ਸਥਿਤੀਆਂ ’ਚ ਉਨ੍ਹਾਂ ਦੇ ਘਰ ਗਲੈਕਸੀ ਅਪਾਰਟਮੈਂਟ ਦੇ ਬਾਹਰ ਫੈਨਜ਼ ਦੀ ਭੀੜ ਜਮ੍ਹਾਂ ਹੁੰਦੀ ਹੈ ਪਰ ਕੋਰੋਨਾ ਵਾਇਰਸ ਦੇ ਚੱਲਦਿਆਂ ਸਲਮਾਨ ਖ਼ਾਨ ਨੇ ਆਪਣੇ ਫੈਨਜ਼ ਨੇ ਬੇਨਤੀ ਕੀਤੀ ਹੈ ਕਿ ਉਹ ਇਸ ਸਾਲ ਉਨ੍ਹਾਂ ਦੇ ਘਰ ਨਾ ਜਾਣ।
ਸਲਮਾਨ ਖ਼ਾਨ ਨਾਲ ਜੁੜੇ ਰੌਚਕ ਤੱਥ ਇਸ ਪ੍ਰਕਾਰ ਹਨ :
1) ਹਰ ਸਾਲ ਸਲਮਾਨ ਖਾਨ ਆਪਣਾ ਜਨਮ-ਦਿਨ ਆਪਣੇ ਫਾਰਮ ਹਾਊਸ ਪਨਵੇਲ ’ਤੇ ਪਰਿਵਾਰ ਦੇ ਨਾਲ ਮਨਾਉਂਦੇ ਹਨ। ਸਲਮਾਨ ਖਾਨ ਨੂੰ ਜਨਮ-ਦਿਨ ’ਤੇ ਕੇਕ ਕੱਟਣਾ ਪਸੰਦ ਨਹੀਂ ਹੈ। ਇਸਦੇ ਚੱਲਦਿਆਂ ਸਲਮਾਨ ਖਾਨ ਦਾ ਕੇਕ ਉਨ੍ਹਾਂ ਦੇ ਭਤੀਜੇ ਕੱਟਦੇ ਹਨ।
2) ਸੋਹੇਲ ਖਾਨ ਦੇ ਬੇਟੇ ਨਿਰਵਾਣ ਅਤੇ ਅਰਹਾਨ ਸਲਮਾਨ ਖਾਨ ਦੇ ਬਹੁਤ ਕਰੀਬ ਹਨ। ਸਲਮਾਨ ਖਾਨ ਉਨ੍ਹਾਂ ਨੂੰ ਆਪਣੇ ਬੱਚਿਆਂ ਵਾਂਗ ਮੰਨਦੇ ਹਨ। ਨਿਰਵਾਣ ਬਾਲੀਵੁੱਡ ’ਚ ਅਦਾਕਾਰ ਬਣਨਾ ਚਾਹੁੰਦੇ ਹਨ ਅਤੇ ਉਹ ਸਲਮਾਨ ਖਾਨ ਤੋਂ ਲਗਾਤਾਰ ਸਲਾਹ ਅਤੇ ਮਾਰਗਦਰਸ਼ਨ ਲੈਂਦੇ ਰਹਿੰਦੇ ਹਨ।
3) ਸਲਮਾਨ ਖਾਨ ਨੂੰ ਸਿਵਾਏ ਮਾਂ ਸਲਮਾ ਅਤੇ ਹੇਲਨ ਦੇ ਕਿਸੇ ਦਾ ਵੀ ਫਿਜ਼ੀਕਲ ਟਚ ਪਸੰਦ ਨਹੀਂ ਹੈ, ਉਨ੍ਹਾਂ ਦੇ ਦੋਸਤਾਂ ਨੂੰ ਵੀ ਉਹ ਦੂਰ ਤੋਂ ਹੀ ਗਲੇ ਲੱਗਦੇ ਹਨ, ਸਲਮਾਨ ਖਾਨ ਦੇ ਭਰਾ ਅਰਬਾਜ਼ ਖਾਨ ਅਤੇ ਸੋਹੇਲ ਖਾਨ ਵੀ ਕਦੇ ਉਨ੍ਹਾਂ ਦੇ ਕੋਲ ਜਾਣ ਦੀ ਕੋਸ਼ਿਸ਼ ਨਹੀਂ ਕਰਦੇ। ਸਲਮਾਨ ਖਾਨ ਵਿਅਕਤੀਗਤ ਤੌਰ ’ਤੇ ਨਿੱਜੀ ਰਹਿਣਾ ਪਸੰਦ ਕਰਦੇ ਹਨ।4) ਸਲਮਾਨ ਖਾਨ ਦੇ ਦੁਸ਼ਮਣ ਅਤੇ ਦੋਸਤ ਜ਼ਿੰਦਗੀ ਭਰ ਲਈ ਹੁੰਦੇ ਹਨ। ਕਈ ਵਾਰ ਸਲਮਾਨ ਖਾਨ ਦੇ ਦੁਸ਼ਮਣ ਉਨ੍ਹਾਂ ਨਾਲ ਦੋਸਤੀ ਕਰ ਲੈਂਦੇ ਹਨ। ਹਿਮੇਸ਼ ਰੇਸ਼ਮੀਆ ਅਤੇ ਸੁਭਾਸ਼ ਘਈ ਇਸਦੀ ਤਾਜ਼ਾ ਉਦਾਹਰਨ ਹਨ।
5) ਸਲਮਾਨ ਖਾਨ ਦੇ ਖ਼ਾਸ ਦੋਸਤ ਸਾਜ਼ਿਦ ਨਾਡਿਆਡਵਾਲਾ ਅਤੇ ਸਿੰਗਰ ਕਮਾਲ ਖਾਨ ਹਨ। ਉਥੇ ਹੀ ਉਨ੍ਹਾਂ ਦੇ ਡਾਇਰੈਕਟਰ ਅਲੀ ਅੱਬਾਸ ਜਫ਼ਰ ਨਾਲ ਵੀ ਚੰਗੀ ਬਣਦੀ ਹੈ। ਸਲਮਾਨ ਖ਼ਾਨ ਦੀ ਪਸੰਦੀਦਾ ਹੀਰੋਇਨ ਕੈਟਰੀਨਾ ਕੈਫ਼ ਅਤੇ ਜੈਕਲਿਨ ਫਰਨਾਡਿਸ ਹਨ।
6) ਸਲਮਾਨ ਖ਼ਾਨ ਨੇ ਸ਼ਰਾਬ ਪੀਣਾ ਛੱਡ ਦਿੱਤਾ ਹੈ ਅਤੇ ਉਹ ਦਬੰਗ 4 ’ਚ ਭੂਮਿਕਾ ਨਿਭਾਉਣ ਲਈ ਤਿਆਰ ਹੋ ਰਹੇ ਹਨ। ਇਸ ਫਿਲਮ ਦਾ ਨਿਰਮਾਣ ਅਰਬਾਜ਼ ਖ਼ਾਨ ਕਰਨ ਵਾਲੇ ਹਨ।
7) ਸਫ਼ਲ ਅਦਾਕਾਰ ਹੋਣ ਦੇ ਬਾਵਜੂਦ ਸਲਮਾਨ 3 ਬੈੱਡਰੂਮ ਦੇ ਅਪਾਰਟਮੈਂਟ ’ਚ ਰਹਿੰਦੇ ਹਨ। ਉਹ ਆਪਣੇ ਮਾਤਾ-ਪਿਤਾ ਦੇ ਨਾਲ ਰਹਿੰਦੇ ਹਨ। ਉਹ ਉਨ੍ਹਾਂ ਬਿਨਾਂ ਨਹੀਂ ਰਹਿਣਾ ਚਾਹੁੰਦੇ। ਇਸ ਲਈ ਉਸੀ ਘਰ ਰਹਿੰਦੇ ਹਨ।
8) ਸਲਮਾਨ ਖ਼ਾਨ ਕਿਸੀ ਅਦਾਕਾਰਾ ਨੂੰ ‘ਕਿਸ’ ਨਹੀਂ ਕਰਦੇ ਤੇ ਨਾ ਹੀ ਕਿਸੀ ਫਿਲਮ ’ਚ ਵਿਲੇਨ ਦੀ ਭੂਮਿਕਾ ਨਿਭਾਉਂਦੇ ਹਨ।
9) ਸਲਮਾਨ ਖ਼ਾਨ 2021 ’ਚ ਕੈਟਰੀਨਾ ਕੈਫ ਦੇ ਨਾਲ ਇਕ ਹੋਰ ਫਿਲਮ ਕਰਨਗੇ। ਇਸ ਤੋਂ ਇਲਾਵਾ ਉਹ ਰਾਧੇ ਮੋਸਟ ਵਾਂਟੇਡ ਭਾਈ ਤੇ ਫਿਲਮ ਅੰਤਿਮ ’ਚ ਵੀ ਨਜ਼ਰ ਆਉਣਗੇ।
10) ਸਲਮਾਨ ਖ਼ਾਨ ਦੀ ਵਰਤਮਾਨ ’ਚ ਪਸੰਦੀਦਾ ਅਦਾਕਾਰਾ ਜੈਕਲੀਨ ਫਰਨਾਡਿਸ ਤੇ ਕੈਟਰੀਨਾ ਕੈਫ ਹੈ।
Salman Khan 55th Birthday : ਸਲਮਾਨ ਖ਼ਾਨ ਦੇ ਜਨਮ-ਦਿਨ ’ਤੇ ਪੜ੍ਹੋ 10 ਰੌਚਕ ਤੱਥ