ਸਾਰਾ ਅਲੀ ਖ਼ਾਨ ਦਾ ਡੈਬਿਊ ਫਿਲਮ ‘ਕੇਦਾਰਨਾਥ’ ਤੋਂ ਹੋਇਆ ਸੀ। ਇਸ ਫਿਲਮ ’ਚ ਉਨ੍ਹਾਂ ਤੋਂ ਇਲਾਵਾ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਅਹਿਮ ਭੂਮਿਕਾ ਸੀ। ਹੁਣ ਸਾਰਾ ਅਲੀ ਖਾਨ ਨੇ ਇਕ ਇੰਟਰਵਿਊ ’ਚ ਖੁਲਾਸਾ ਕੀਤਾ ਹੈ ਕਿ ਫਿਲਮ ਕੇਦਾਰਨਾਥ ਤੋਂ ਡੈਬਿਊ ਕਰਨ ’ਤੇ ਉਨ੍ਹਾਂ ਦੇ ਪਿਤਾ ਸੈਫ ਅਲੀ ਖ਼ਾਨ ਨਾਰਾਜ਼ ਹੋ ਗਏ ਸੀ। ਇਸ ਬਾਰੇ ਸਾਰਾ ਨੇ ਕਿਹਾ ਕਿ ਉਸਦੇ ਪਿਤਾ ਜਾਣਦੇ ਸੀ ਕਿ ਉਨ੍ਹਾਂ ਦੀ ਬੇਟੀ ਜਦੋਂ ਤਕ ਕਿਸੀ ਵੀ ਫਿਲਮ ਨੂੰ ਲੈ ਕੇ ਕਨਵਿੰਸ ਨਹੀਂ ਹੋਵੇਗੀ, ਤਦ ਤਕ ਉਹ ਉਸ ਫਿਲਮ ’ਚ ਕੰਮ ਨਹੀਂ ਕਰੇਗੀ। ਇਸਦੇ ਚੱਲਦਿਆਂ ਉਨ੍ਹਾਂ ਦੇ ਪਿਤਾ ਨੇ ਉਸਨੂੰ ਪ੍ਰੇਰਿਤ ਕੀਤਾ ਕਿ ਉਹ ਆਪਣੇ ਫ਼ੈਸਲੇ ਖ਼ੁਦ ਲਵੇ।
ਸਾਰਾ ਅਲੀ ਖ਼ਾਨ ਨੇ ਕਿਹਾ, ਸੈਫ਼ ਅਲੀ ਖ਼ਾਨ ਵੀ ਇਕ ਅਦਾਕਾਰ ਹਨ। ਉਨ੍ਹਾਂ ਨੂੰ ਕਿਸੀ ਵੀ ਚੀਜ਼ ਤੋਂ ਸਮੱਸਿਆ ਨਹੀਂ ਹੈ ਜੋ ਮੈਂ ਆਪਣੇ ਜੀਵਨ ’ਚ ਕੀਤਾ ਹੈ। ਮੈਂ ਉਸ ਲਈ ਆਪਣਾ ਦਿਲ ਅਤੇ ਆਤਮਾ ਲਗਾ ਦਿੱਤੀ ਹੈ। ਉਸਨੇ ਇਹ ਵੀ ਕਿਹਾ ਕਿ ਕੇਦਾਰਨਾਥ ਚੰਗੀ ਫਿਲਮ ਸੀ ਅਤੇ ਉਸਨੂੰ ਫਿਲਮ ਤੋਂ ਕਾਫੀ ਪਿਆਰ ਤੇ ਸਰਾਹਨਾ ਮਿਲੀ ਹੈ। ਉਸਨੂੰ ਮਾਣ ਹੈ ਕਿ ਉਸਨੇ ਇਹ ਫਿਲਮ ਕੀਤੀ। ਸਾਰਾ ਅਲੀ ਖਾਨ ਨੇ ਹਾਲ ਹੀ ’ਚ ਕੇਦਾਰਨਾਥ ਦੇ ਸਹਿ-ਕਲਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਪਹਿਲੀ ਬਰਸੀ ’ਤੇ ਯਾਦ ਕਰਕੇ ਸ਼ਰਧਾਂਜਲੀ ਵੀ ਦਿੱਤੀ।
ਸਾਰਾ ਅਲੀ ਖਾਨ ਨੇ ਸੁਸ਼ਾਂਤ ਦੀ ਫੋਟੋ ਸ਼ੇਅਰ ਕਰਕੇ ਲਿਖਿਆ, ‘ਜਦੋਂ ਵੀ ਮੈਨੂੰ ਸਹਾਇਤਾ ਜਾਂ ਸਲਾਹ ਦੀ ਜ਼ਰੂਰਤ ਪਈ, ਤੁਸੀਂ ਕੀਤੀ। ਤੁਸੀਂ ਅਦਾਕਾਰੀ ਦੀ ਦੁਨੀਆ ਤੋਂ ਮੈਨੂੰ ਜਾਣੂ ਕਰਵਾਇਆ। ਤੁਸੀਂ ਇਹ ਭਰੋਸਾ ਦਿਵਾਇਆ ਕਿ ਸੁਪਨੇ ਸੱਚ ਹੁੰਦੇ ਹਨ ਅਤੇ ਅੱਜ ਜੋ ਵੀ ਮੇਰੇ ਕੋਲ ਹੈ, ਉਸਦਾ ਕਾਰਨ ਵੀ ਤੁਸੀਂ ਹੋ। ਮੈਨੂੰ ਵਿਸ਼ਵਾਸ ਨਹੀਂ ਹੁੰਦਾ ਕਿ ਤੁਸੀਂ ਚਲੇ ਗਏ ਪਰ ਜਦੋਂ ਵੀ ਮੈਂ ਸਿਤਾਰਿਆਂ, ਚੜਦੇ ਸੂਰਜ ਜਾਂ ਚੰਦਰਮਾ ਨੂੰ ਦੇਖਦੀ ਹਾਂ ਤਾਂ ਮੈਨੂੰ ਲੱਗਦਾ ਹੈ ਕਿ ਇਹ ਤੁਸੀਂ ਹੋ।’ਸਾਰਾ ਅਲੀ ਖਾਨ ਫਿਲਮ ਅਦਾਕਾਰਾ ਹੈ। ਉਹ ਸੋਸ਼ਲ ਮੀਡੀਆ ’ਤੇ ਵੀ ਸਰਗਰਮ ਰਹਿੰਦੀ ਹੈ। ਉਹ ਅਕਸਰ ਆਪਣੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸ਼ੇਅਰ ਕਰਦੀ ਰਹਿੰਦੀ ਹੈ ਜੋ ਕਿ ਕਾਫੀ ਤੇਜ਼ੀ ਨਾਲ ਵਾਇਰਲ ਹੁੰਦੀਆਂ ਹਨ। ਸਾਰਾ ਅਲੀ ਖਾਨ ਦਾ ਅਫੇਅਰ ਕਾਰਤਿਕ ਆਰਿਅਨ ਨਾਲ ਸੀ। ਦੋਵਾਂ ਦੀ ਜੋੜੀ ਕਾਫੀ ਪਸੰਦ ਕੀਤੀ ਗਈ ਸੀ। ਹਾਲਾਂਕਿ ਬਾਅਦ ’ਚ ਦੋਵਾਂ ਦਾ ਬ੍ਰੇਕਅਪ ਹੋ ਗਿਆ।